تخيل ,,
كل هالدنيا تكون مثل السراب
واحنا نبنيها و نخليها حقيقة
نبنيها بـ : آمالنا و أحلامنا و طموحاتنا
نزرع فيها السعادة و الحب و الوفا
وننزع منها الكرهـ والحقد والحسد
تخيل لو نقدر نبدل العالم
نغير الناس و الزمن والظروف
واللي نبيه نجيبه
واللي في بالنا نسويه
تخيل مافي فراق ولا وداع ولا بغضاء ولا دموع
يكون بس فرح و ضحك وملاقى و مودة
وقت ما نبي نطير
نطير مع احلامنا
ووقت ما نبي نكون .. نكون .. ووين ما نكون
تخيل نكون احنا مهندسين هالعالم
و نشكله على كيفنا
كان خلينا كل الناس سوا
كلهم يحبون بعض
كان ما تركنا للسواد مكان بيننا
كان كل شي على كيفنا وبذوقنا
تخيل لو نشتغل كل شي ,,
تكون انت الحبيب و انا الحبيبة
تكون انت الدكتور وانا المريضة
تكون انت المدرس وانا الطالبة
تكون انت كلشي و اكون اللي تبيني اكونه
تخيل لو كل الورود ما تذبل
ولو كل الوعود ما تخلف
ولو كل الناس ما تحزن
ولو القمر ما يغيب و الشمس من تغرب
ولو السحاب ما يغرقنا بس يسقينا
ولو الفرح يطل علينا بكل الالوان
ولو مافي ناس تمرض و تموت
ولو البشر هم نفس البشر يزيدون بس ما ينقصون
ولو كل واحد ياخذ حقه ما ينقص ولا يزيد
ولو مافي احد يعكر على احد صفوة مزاجه
تخيل لو كلنا نعيش في بيت واحد
ونكون عيلة وحدة
فيها مليارات الناس
وكلنا نعرف بعض و نحب بعض
وش كان صار
(( أنا اقول تخيل واحلم بس بعدها اصحى ولا تعيش الحلم لانه بالنهاية حلم ))
ليست هناك تعليقات:
إرسال تعليق